М. Эгембердиев ат-гы «Илим» ОКТде «Нооруз» жаз майрамына карата салтанаттуу линейка жана майрам өткөрүлдү.
17-март күнү М.Эгембердиев ат-гы «Илим» ОТК мектебинин короосунда «Нооруз» жаз майрамына карата салтанаттуу линейка жана майрам өткөрдү.
Линейка 5-7-класстар окуучуларынын арасында өткөн шаардык предметтик олимпиаданын жеңүүчүлөрү куттуктоо менен башталды:
Женишов Нурэль — 5 «В» класс, предмет Математика — 1 орун
Султанов Амир — 7 «А» класс, предмет Математика — 1 орун
Аданова Сабина — 6 «В» класс, предмет Русский язык — 1 орун
Эркинова Айдай — 6 «В» класс, предмет Русский язык -1 орун
Салтанаттуу линейкадан кийин жогорку класстын окуучуларынын арасында майрамдык концерт башталды. Программада майрамдын тарыхын чагылдырган көрүнүштөр, ырлар, бийлер жана улуттук спорт оюндары көрсөтүлдү. Майрам улуттук тамак-аштар менен дасторкон жарышы жана чай уюштуруу менен жыйынтыкталды.
Урматтуу коноктор, ата-энелер, мугалимдер жана окуучулар!
Нооруз — адамзат тарыхындагы эң байыркы, миңдеген жылдар бою салтанат менен белгиленип келаткан майрамдардын бири. Анын маңызы — табияттагы бул күндөгү жаңыланууну, коомдун жана адам баласынын жаратылыш менен тыгыз байланышын даңазалоо.
Күн менен түн теңелип, андан ары күн узарып, жаз амалы башталарын эзелки кыргыздар да эсептеп билип, бул күндүн касиетин даңазалаган улуттук салт-жөрөлгөлөрү кадим замандан калыптанган. „Улустун улуу күнү“ деген сөз ошол замандардан калган.
Ар бир үй-бүлө бүгүн дасторконду тегеректеп отуруп, коомубуз тазарсын, үйүбүзгө ырыс толсун деген бата менен эртеңки күнгө, келечекке үмүт-тилек артат.
Нооруз күнү бизге дем берип, элибиздин ырыскысы артсын! Мамлекетибизге молчулук, кут-береке тартууласын! Элибиз айдан аман, жылдан эсен болсун!»
Комментарии